Қазақ соқырлар қоғамының Қостанай филиалында Жеңіс күніне арналған «Халық ерлігінің ұлылығы» әдеби қонақжайы өтті.  Көзі көрмейтін және нашар көретін азаматтармен жұмыс бөлімінің қызметкерлері қаза тапқандарды еске алуға арналған әндер мен өлеңдерден тұратын әдеби бағдарлама дайындады. Кездесуге келгендер соғысқа шолу жасай отырып, бабаларымыз бен аталарымыздың Жеңіс жолындағы ерліктерін есте сақтау қаншалықты маңызды екендігін атап өтті.

 Іс-шараға тыл еңбеккерлері мен соғыс балалары қатысты. Оларға филиал басшысы Исмұратов Хамит Сүйіндікұлы жүрекжарды тілегін арнады. Залға жиналғандар жұрттың бәрінің көңілінен шыққан «Землянка», «Катюша», «Алеша» және т.б. әндерді шырқады, соғыс туралы өлеңдер оқыды.