Келушілер арасында сауалнама жүргізу
| «Қаламгер қазынасы» | 11.10.2023 | 10 қазанда Абонементтер бөлімінде № 20 жалпы білім беретін мектеп оқушылары үшін жазушы, журналист Кемел Тоқаевтың туғанына 100 жыл толуына арналған «Қаламгер қазынасы» кітап көрмесіне шолу жасалды.
Кітапхана қызметкері жазушының 5 томдық шығармалар жинағын, жеке шығармалары мен мерзімді басылымдардағы мақалаларды көрсетті, Б. Қанапьяновтың «Шығармалар», Ж. Қорғасбектің «Мехнат һәм Хикмет», Ш. Елеукеновтің «Көп томдық шығармалар жинағы» кітаптарын және Қ-Ж. Тоқаевтың Кемел Тоқайұлын мейірімді және қарапайым адам ретінде сипаттайтын «Слово об отце» кітабын ерекше атап өтті.
Қазақстанда және одан тыс жерлерде де танымал «Солдат соғысқа кетті», «Тайғақта», «Түнде атылған оқ», «Сарғабанда болған оқиға» романдары мен повестеріне баса назар аударылды.
Көрмеге шолу жасалғаннан кейін оқушыларға кітапхана бойынша экскурсия өткізілді, онда оқушылар бөлімдердің кітап қорларымен, мерейтойлық көрмелермен және сирек кездесетін кітаптармен танысты.
Кітапханадан ерекше әсер алған оқушылар бөлім қызметкерлеріне алғыстарын айтып, ризашылықтарын білдірді.
#Гидқазақстанға #ГидПоКазахстану | | | | Кері қарай |
Комментарии ()
Авторизуйтесь на сайте для комментирования. |
Қате көрсеңіз оны бөлектеңіз де, "CTRL+Enter" басыңыз
|
