Келушілер арасында сауалнама жүргізу
| «Абай рухы – мәңгілік шамшырақ» | 24.09.2025 | 24 қыркүйек күні Л. Н. Толстой атындағы Қостанай ОӘҒК-ның әмбебап оқу залында «KitapTime–2025» IV жалпы республикалық кітап фестивалі аясында қазақтың ұлы ақыны, философы және ағартушысы Абай Құнанбаевтың туғанына 180 жыл толуына арналған «Абай рухы – мәңгілік шамшырақ» атты іс-шара өтті.
Әдеби кешке спикерлер ретінде ақын, Қостанай облыстық Ыбырай Алтынсарин мемориалдық мұражайы меңгерушісінің ғылыми жұмыс жөніндегі орынбасары, Халықаралық ақындар мен жыршы-термешілер одағының мүшесі, Қазақстан Республикасының еңбек сіңірген мәдениет қайраткері С. А. Өтелбаева, ақын, «Қостанай облысы әкімдігі білім басқармасының «Қостанай қаласы білім бөлімінің №31 жалпы білім беретін мектебі» КММ қазақ тілі мен әдебиетінің оқытушысы М. С. Бадаева қатысты.
Кездесу барысында барлық қатысушылар Абайдың бай әдеби және философиялық мұрасымен танысып, оның адамгершілік, әділдік, өзін-өзі тану және ағартушылықтың қоғамдағы рөлі туралы көзқарастарын талқылады. Ақын идеяларының қазіргі заманда да өзектілігін жоғалтпағанына және олардың адамның рухани және жеке дамуына әсеріне ерекше назар аударылды. Іс-шара қонақтары Абай шығармаларынан үзінділер оқып, оның шығармаларын өздері қалай түсінетіні жайында ойларымен бөлісті.
Әдеби сағат ұлттық мәдени мұраны тануға, дамытуға және сақтауға ұмтылатындардың барлығының басын біріктірген нағыз ұрпақтар диалогына айналды. | | | | Кері қарай |
Комментарии ()
Авторизуйтесь на сайте для комментирования. |
Қате көрсеңіз оны бөлектеңіз де, "CTRL+Enter" басыңыз
|
