Бенефис «Режиссура – арманшыл өнер». | Оқиғалар | Жаңалықтар | КОСТАНАЙСКАЯ ОБЛАСТНАЯ УНИВЕРСАЛЬНАЯ НАУЧНАЯ БИБЛИОТЕКА им Л.Н. ТОЛСТОГО

09.12.2013

Л.Толстой атындағы ОӘҒК ҚТӘБ қызметкерлерінің ұйымдастыруымен 27 қараша күні актриса, режиссёр Есенбекова Айсауле Әбдешқызының «Режиссура – арманшыл өнер» атты бенефисі өтті. Мәдени шарамызға ақындар Серікбай Оспанов, Ғайнижамал Бердалинова, Әлпия Орманшина, «Наш Костанай» в газетінің редакторының орынбасары Оразалы Жақсанов, А.Байтұрсынов атындағы ҚМУ тәрбие жұмысы және қоғаммен байланыс департаменті директорының орынбасары Болат Қалиев, «Астана» телеарнасының Қостанай қаласындағы меншікті тілшісі Заңғар Санай, халыққа қызмет көрсету орталығының қызметкері Гүлмира Амангельдина, А.Байтұрсынов атындағы ҚМУ баспасөз қызметкері Мейрам Оспанов, «Қазақстан-Қостанай» телеарнасы тақырыптық бағдарламалар редакциясының редакторы Қымбат Шұғайып, қалалық балалар шығармашылық мектебінің директоры Ләззат Баймусина, жоғары оқу орындары мен колледждердің студенттері, оқырмандар қатысты. Айсауле Әбдешқызының шығармашылығы туралы қонақтар өз ойларын айттып, лебіздерін білдірді. Шәкірттері «Абылай хан», «Тұмар–Томирис» спектакльдерінен үзінді көрсетті. Е.Өмірзақов атындағы облыстық филармонияның , «Мирас» ансамблінің әншілері, студенттердің көңілді тапқырлар клубы, қалалық балалар шығармашылық үйінің оқушылары өнер көрсетті. Кітап көрмесі ұйымдастырылып, видеоролик және презентация жасалды. Көрмеге 15 журнал, 17 газеттер, 20 портреттер, грамоталар қойылды.

Кері қарай