Экскурсия | Оқиғалар | Жаңалықтар | КОСТАНАЙСКАЯ ОБЛАСТНАЯ УНИВЕРСАЛЬНАЯ НАУЧНАЯ БИБЛИОТЕКА им Л.Н. ТОЛСТОГО

11.06.2025

10 маусымда Л. Н. Толстой атындағы Қостанай облыстық әмбебап ғылыми кітапханасына № 24 мектеп-гимназияның екінші сынып оқушылары келді. Оқушылар кітапхананың оқырмандармен жұмыс істейтін барлық бөлімдерінде болды.
Ақпараттық-библиографиялық қамтамасыз ету бөлімінде балаларға кітапхананың түрлі түсті суреттермен безендірілген ең «ақылды» кітаптарын көруге мүмкіндік берілді. 3D нысандағы суретті басылымдар үлкен қызығушылық тудырды.
Америка бұрышында оқушыларға әсем безендірілген, мазмұнды балалар кітаптары, ағылшын тілін үйренуге көмектесетін фотоальбомдар, сондай-ақ танымдық басқатырғыштар ұсынылды.
Көзі көрмейтін және нашар көретін азаматтарға арналған бөлім ерекше қызығушылық тудырды, онда оқушыларға Брайль қарпімен оқылатын кітаптар көрсетілді.
Оқу залында балалар ұлы Абайдың өлеңдерін оқуға тілек білдірісіп, белсенділік танытты.
Кітапханаға келудің танымдылығы мол болды және оқушыларға көптеген жағымды эмоциялар сыйлады.

Кері қарай