Жыл сайын Қазақстанда 7 мамырда Отан қорғаушы күні атап өтіледі. Дәл осы күні, 1992 жылы ұлттық Қарулы күштерді құру туралы жарлыққа қол қойылды, олардың міндеті елдің тәуелсіздігі мен егемендігін қорғау болып табылады.

Әмбебап оқу залында Қазақстан Республикасы Қарулы күштерінің 30 жылдығына арналған «Әскери даңқ – ұрпаққа ұлағат» атты кітап көрмесі ұйымдастырылды. Кітапхана пайдаланушыларының назарына әскери ғылым жөніндегі материалдар, Қарулы күштердің жалпы әскери жарғылары, әскери заңнама негіздері, жоғары оқу орындары арасындағы ғылыми-практикалық конференциялар материалдарының жинақтары, әскери және тарихи-отаншылдық тақырыптарға қызығушылық танытушыларға арналған анықтамалықтар ұсынылды.

Кітап көрмесі ағымдағы жылдың мамыр айының соңына дейін жұмыс істейді.