10.12. қонақжайда қостанайлық ақын, Меценаттар клубының «Әдебиет» атауы бойынша берілген арнайы сыйлығын екі рет (2004, 2012 жж.) иеленген Светлана Евгеньевна Левченконың «Палитра настроений» кітабының тұсаукесері болып өтті.

Кітап үстіміздегі жылы «Баспа үйінен» 1000 дана болып жарыққа шықты. Жинақ «Строфы эти лишние в стихах», «Моя молитва», «Если все это снилось», «Леди совершенство» атты төрт бөлімнен тұрады. Светлана Евгеньевнаның  өлеңдерін автор жанының көрінісі деуге болады. Кітаптың алғы сөзін автор өзі жазған.

Кітаптың тұсаукесеріне Қостанай облысы әкімдігі мәдениет басқармасы басшысының орынбасары К.Т.Есімтаев, баспагер А.В.Тарасенко, қостанайлық ақындар Н.Ф.Кочин, А.И.Суслова, автордың шығармашылығын сүюшілер, БАҚ өкілдері келді. Елена Рац, Олжас Искаков, Мейрамбек Кенжебаев, Дмитрий Корой орындаған әсем әндер тұсаукесердің салтанатын арттыра түсті. Шара барысында автор мен поэзияны сүюшілер өлеңдер оқысты.